Германија,Ирска, Ирска, Романија, Србија, Бугарија, се некои од земјите кои ги одложија пописите поради пандемија, само Заев сака да спроведе политички фалсификат, обвини денеска лидерот на ВМРО-ДПМНЕ, Христијан Мицкоски.
„Станува збор за многу поразвиени земји од нашата, но и држави од соседството кои поради неможноста да се споведе оваа статистичка операција ја одложија за една година“, рече Мицкоски на денешната прес-конференција.
ВМРО-ДПМНЕ смета дека преку поширока дебата треба да се дојде до консензуално решение за начинот на спроведување на пописот, рече лидерот на опозициската ВМРО-ДПМНЕ, Христијан Мицкоски.
„Предлагаме владејачкото мнозинство да го повлече законот за попис од собраниската дебата и да организира внатрепартиска и внатредржавна дебата на целата територија на Република Македонија, да ги обедини сите политички чинители и општествени фактори, за да се дојде до консензуално решение – како треба да изгледа оваа статистичка операција“, рече Мицкоски.
Доколку пак барањето на ВМРО-ДПМНЕ биде игнорирано и „биде спроведен политички мотивиран попис, ВМРО-ДПМНЕ нема да ги признае неговите резултати“, нагласи Мицкоски.
