Австрискиот професор Флоријан Бибер предизвика тензии на социјалните мрежи во Македонија, на Балканот и пошироко откако вчерашните случувања во Вашингтон ги спореди со тие на 27 април во Македонија и на двата им даде фашистички предзнак.
Според Бибер кој е поддржувач на левичарски идеи и дава поддршка на владата на Заев и вчера во Капитол и на 27 април во Собранието тензиите и насилството ги предизвикале фашисти.
“Кога фашистите го напаѓаат парламентот” напиша Бибер на сликата која е комбинација од луѓе во американскиот конгрес и македонскиот парламент по што се развива жестока дискусија во која меѓу другото професорот добива и незгодни пораки од цел регион но и од САД.
Во моментов во македонските затвори лежат дваесетина луѓе осудени на затворски казни од над 200 години за терористичко здружување против уставниот поредок. Осудени се по изјава на сведок кој 4 пати го менуваше исказот за на крајот да се утврди дека целосно лажел кога тврдел дека изворно чул и видел кој го организира упадот во Собранието.
Во Собранието упадна и Игор Дурловски за кого обвинението немаше докази дека предизвикал насилство. Сепак Бибер и него индиректно го нарекува фашист.
На регионално ниво ова е еден од твитовите за настаните во Вашингтон што доби најголем публицитет вчера и денеска.
Очекувано дел од реакциите на твитот се однесува и на фашистичката историја на земјата од каде што доаѓа Бибер.
Сите коментари во твитот
When fascists storm parliament pic.twitter.com/TzKaRZbVeq
— Florian Bieber (@fbieber) January 6, 2021
