Огромното мнозинство Бугари (83,8%) е против поддршката на Република Македонија за членство во Европската унија, сè додека не се постигне договор за фактите од историското минато на Бугарија. Ова го покажуваат податоците од социолошкото истражување на „Алфа Рисрч“, објави БГНЕС…
Само 10,2% бугарски граѓани сметаат дека треба да се поддржи Македонија за ЕУ, без оглед на нејзиниот однос кон историското минато на Бугарија. 5,9% одговориле дека не можат да проценат.
Повеќе од половина од испитаниците (54,10%) се на мислење дека Бугарија треба да го признае модерниот македонски идентитет само доколку с. Македонија признае дека на почетокот на дваесеттиот век огромното мнозинство од нејзиното население се идентификувало како Бугарин и дека бил создаден нов идентитет по 1944 година, но без да влијае на граѓаните на Бугарија и нивните предци.
Речиси една третина (29,5%) се против признавање на македонскиот идентитет и само 6,1% се против спротивното мислење. 10,2% изјавиле дека немаат мислење и не се заинтересирани за овој проблем.
На прашањето дали Бугарија треба да го признае постоењето на македонски јазик, доколку Македонија соодветно признае дека овој јазик започнал да се воспоставува во 1944 година, врз основа на западнобугарските дијалекти, позициите се скоро поделени, а преовладуваат противниците за признавање на македонскиот јазик.
45,5% сметаат дека Бугарија воопшто не треба да го признава постоењето на македонски, додека 42,2% се подготвени да го признаат.
Само 4,5% велат дека Бугарија мора безусловно да го признае македонскиот јазик. Не сум заинтересиран – одговориле 7,6% од анкетираните.
