Европската комисија (ЕК) ќе претстави акционен план за заштита на независното новинарство до крајот на годинава, најави заменик-претседателот на Комисијата Вера Јурова за време на конференцијата „Слобода на медиумите во Бугарија“, организирана од Еуроактивна Бугарија.
За Бугарија, заклучоците се дека постои недостаток на транспарентност во сопственоста на медиумите и дистрибуција на европски пари за рекламирање, што е одговорност на државата. Бугарските медиуми се под политичко влијание и има алармантни сигнали за напади врз новинари, пренесува БГНЕС.
„Финансираме голем број проекти за оние новинари кои се изложени на ризик, вклучително и создавање засолништа за новинари“, рече Јурова, која ја предводи работата на Комитетот за европски вредности и транспарентност, како и зачувување на владеењето на правото.
Павел Салај, координатор на ЕУ и Балканот на Репортери без граници, рече дека „сите проблеми со слободата на говорот што ги наоѓаме во ЕУ и на Балканот се концентрирани во Бугарија“. Тој потсети дека во 2019 година Бугарија потпиша договор за партнерство за информации и демократија, чија цел е да се промовира слободата на изразување ширум светот. Сепак, слободата на медиумите во Бугарија продолжува да се влошува и бугарската влада нема волја да ја подобри ситуацијата “, рече Салај.
Во март, Репортери без граници му испратиле на Борисов „роад мап“ за медиумската политика во Бугарија. Тие предложија создавање на независна национална комисија за подобрување на слободата на медиумите, која ќе се занимава со подобрување на законодавството за медиуми и, исто така, ќе ги дистрибуира државните субвенции на медиумите.
За жал, рече тој, немаше никаква реакција од бугарскиот премиер.
Европратеничката Елена Јончева објави дека Бугарија пред 13 години се наоѓала на 36-то место според Светскиот индекс на слобода на говорот на Репортери без граници, додека сега е на 111-то место.
„Ако Бугарија продолжи да паѓа со исто темпо, за десет години таа навистина може да заврши покрај Северна Кореја, која сега е одалечерна само 69 места според рангирањето“, рече таа.
Стојана Георгиева, издавач и главен уредник на „Медиапул.бг“, истакна дека бугарските медиуми и бугарскиот бизнис имаат еден заеднички проблем – владеењето на правото. Според неа, бугарските медиуми се заробеници на државата, на која и тие се жртва и се инструмент.
