Летно чистење во ВМРО – ДПМНЕ, неколку влијателни членови веќе не се во ИК

Пратеникот Антонио Милошоски на социјалната мрежа Фејсбук ги објави имињата на новите членови на Извршниот комитет на ВМРО-ДПМНЕ. Меѓу нив нема некои моќни партиски членови како Сашо Мијалков, Мартин Протоѓер и Владимир Пешевски.



“ВМРО-ДПМНЕ избра нов Извршен комитет! Едногласната поддршка од Централниот комитет е голема обврска за секој од нас”, напиша Антонио Милошоски доцна вечерва на Фејсбук.

Тој објави дека  нови членови на ИК се:

Проф. Драги Димитровски, Земјоделски факултет, д-р Игор Николов, нефрологија, проф. Христијан Мицкоски, ген. секретар, Зеќир Рамчиловиќ, пратеник, Александар Николоски, меѓ.соработка, Џери Наумов, странски инвестиции, Златко Перински, м-р човечки ресурси, Никола Србов, м-р историчар, Славе Трпески, катастар, Ане Лашкоска, пратеник, Сеад Солаковски, лекар од Лабуништа, Марио Цветковски, Куманово, Дијана Транталовска, ветеран, Богдан Илиевски Бетмен, граѓански активист, Светлана Колариќ, К. Вода, Александар Георгиев, портпарол, Дејан Јовановски, спортист/ кошаркар, Анета Стојановска Стефанова, Армен Незири, Дебар.

Од предходниот состав во ИК остануваат Илија Димовски, Антонио Милошоски, Влатко Ѓорчев, Коце Трајановски, Никола Попоски, Никола Тодоров, Даниела Рангелова, Владимир Нелоски, Нермин Теловска, Зоран Савевски.

„Пожелувам на сите да работат со чест кон ВМРО, и со достоинство за Македонија!“, напиша Милошоски на Фејсбук