Лидерите на Европската унија го осудија колективниот неуспех во борбата против пандемијата на коронавирусите на Генералното собрание на ОН.
Тие посочија дека дојде време сите земји да се обединат во меѓународната соработка, пишува Асошиејтед Прес.
Претседателот на Европскиот совет Чарлс Мишел истакна дека пандемијата ја открива и слабоста на земјите за кои се сметаше дека се силни. Пандемијата нè воведе сите во иста битка, против заеднички непријател, рече Мишел.
Џузепе Конте, италијански премиер, кој стана глобален симбол на кризата, рече дека пандемијата им нуди на владите низ целиот свет „можност за колективно обновување“.
„Оваа трагедија нè промени, но исто така ни понуди можност за нов почеток и на нас е да ја искористиме“, рече Конте.
