Пратеничката на ДУИ Арта Биљали Зендели вели дека мерката субвенционирање на вработувањата во приватниот сектор по етнички клуч била обврска на нејзината партија кон албанските гласачи.
„Ние како пратеници Албанци кои сме ги добиле гласовите од Албанците, имаме обврска да се грижиме токму за Албанците“, рече Биљали, пренесе Тв.21.
Ова е спротивно на изјавата на вицепремиерот за економски прашања, Фатмир Битиќи кој вчера испрати јасна порака дека јавните пари не можат да се делат врз етничка основа.
„Секој граѓанин е еднаков и добива еднакви можности и еднаков третман. Мислам дека е неблагодарно државните пари да ги делиме врз етничка основа“, рече Битиќи.
Според пратеничката Арта Биљали Дали ова не ја разниша коалицијата СДСМ-ДУИ?
„Мислам дека да го наречеме противење е малку тешко во оваа фаза. Дали е противење или не, треба да помине уште некое време. Затоа не би рекла дека е противење или несогласување во правец на унапредување на правата на граѓаните согласно мотото “Општество за сите“. Мислам дека нема судир и евентуалните разлики ќе се надминат.“, вели Биљали.
