Маж на возраст од 38 години почина во универзитетската болница во Есен по едномесечна битка со коронавирусот по враќањето од Македонија во Германија.
Повратникот со живеалиште во градот Нојс во покраината Северна Рајна Вестфалија немал претходни болести, соопшти портпаролот на округот Рајн-Крајс Нојс, Бенјамин Јозефс.
Кога влегол во Германија на 2 август човекот имал симптоми типични за корона, што го потврдил и тестот на кој бил позитивен. Болеста била толку сериозна што човекот од Нојс починал.
Ова го зголемува бројот на смртни случаи низ целиот округ на 24, а 87 лица во моментов се борат со Ковид-19. Од почетокот на пандемијата во овој дел на Германија се регистрирани 1.169 заразени.
