Најдобриот македонски автомобилист Игор Стефановски го освои третото место во трката од шампионатот на ТЦР Италија, која се возеше на легендарната патека „Енцо и Дино Ферари“ во Имола.
Единствениот странец меѓу 22 учесника во трката на победничкиот подиум го развеа македонското знаме покрај победникот Редуци и второпласираниот Тавано.
Вчера популарниот Иџе со своето возило „хјундаи и30 Н“ излета од патеката и остана без пласман.
Ова е втор подиум за Стефановски во Имола по тој во 2016 година.
