Нема поместување на позициите помеѓу лидерот и потпретседателот на ДУИ, околу инсистирањето на Меџити тој да предложи вицепремиер наместо предложениот прв вицепремиер Артан Груби, дознава Плусинфо.
Се очекува се’ да биде појасно по средбите кои се закажани за денеска попладне на Ахмети со Меџити и со градоначалникот на Сарај, Блерим Беџети.
Доколку има промена ќе има поместувања на министерската листа на ДУИ , тогаш Артан Груби би бил министер за надворешни а Бујар Османи би извисил.
„Ахмети и Меџити ќе најдат заеднички јазик, кој ќе биде исходот не знам, ама знам дека потпретседателот му е најдобар соработник и другар на Ахмети од Скопје. Никогаш се немаат скарано. Тој му е „мало синче“. Сметам дека Ахмети ќе го убеди Меџити листата да остане непроменета“ вели функционер од ДУИ за Плусинфо.
