Министер за Европа и надворешни работи на Албанија, Гент Цакај во телефонски разговор со генералниот секретар на ДУИ, Артан Груби, го поздравил „историскиот договорот меѓу СДСМ и ДУИ за формирање влада кој овозможува за првпат Албанец да биде премиер“.
„Искажав мои најискрени честитки за историскиот договор што ќе овозможи за првпат премиер Албанец во с. Македонија, дури иако само 100 дена како почеток“, напиша Цакај на Фејсбук.
Тој исто така, наведува дека освен тоа што претседателот на Собранието ќе продолжи да биде Албанец, останува историско достигнување дека дипломатијата на Македонија ќе ја води Албанец „што е потврда за зајакнувањето на албанскиот фактор“.
Цекај им заблагодари на Али Ахмети и на Артан Груби за „вредната работа што ја направија во однос на зајакнување на албанскиот фактор, демократија и внатрешен развој и евроатлантски процеси во с. Македонија“.
