Од ВМРО-ДПМНЕ ја прашуваат министерката за финансии Нина Ангеловска дали си го извадила депозитот од 250.000 евра од Еуростандард банка пред одземањето на дозволата за работа од Народната банка на Република Македонија.
„Нина Ангеловска кога дојде на позицијата министер за финансии на Република Македонија во својот Анкетен лист пријави дека има депозит во вредност од 250.000 евра во Еуростандард банка.
Ангеловска треба да одговори дали ѝ пропаднаа 250 илјади евра, пари од заштеда кои самата ги има пријавено, а ако не се, односно истите ги повлекла, со оглед на фактот што тие пари согласно имотниот лист не ги располага веќе во таа банка, тогаш тоа е огромен скандал. Ангеловска е должна да каже дали имала предвреме информација за таквиот потег.
Ова е новиот ТАТ и функционерите од СДСМ мора да кажат каква улога имале во истата“, велат од партијата.
