Високи американски официјални претставници тврдазт дека Кина прави интензивни напори да се замеша во претстојните претседателски избори на 3 ноември.
Во интервјуто за Институтот Хадсон во Вашингтон, пред мал собир на експерти и заинтересирани лица, директорот на Федералното истражно биро (ФБИ), Кристофер Реј, упати обвиненија против Кина, велејќи дека земјата прави сè што е во нејзина моќ за да стане главна сила што ќе ѝ овозможи да ги отстрани САД од врвот на светскиот поредок.
„Пекинг спроведува обемни разузнавачки операции, кои вклучуваат притисок врз опциите што му одговараат“, рече Реј, без да разјасни дали Кина го поддржува републиканскиот претседател Доналд Трамп или демократскиот кандидат Џо Бајден.
Според Министерството за правда на САД, Кина склучила договори со повеќе од 15 „компании за лобирање и односи со јавноста“ за да изврши притисок врз носителите на одлуки, Конгресот, медиумите и Белата куќа да усвојат позиции и политики што не се во спротивност со Кинески интереси.
Инаку, двете држави имаат силни трговски односи, додека обемот на билатералната трговија достигна повеќе од 600 милијарди долари минатата година, и покрај трговската војна меѓу двете страни.
Извор: Ал џезира
