Едно од највкусните, но и најзастапените и најдостапните овошја на овој простор, главно се консумира свежо. Но дињата може да се користи и за неверојатно атрактивен десерт кој во основа е пита какви што често гледаме, но со други овошја. Обидете се, нема да згрешите.
Состојки:
-200 гр брашно
-50 гр какао
-80 гр шеќер во прав
-прстофат сол
-1 јајце
-1 жолчка
-125 гр путер
Фил:
-500 гр диња
-100 гр шеќер
-1 ванилин шеќер
-сок и кора од еден лимон
-прстофат кардамом
-прстофат кориандер
-2 лажици густин
-1 јајце
-малку сол
-малку рум
Подготовка:
Од сите состојки се замесува тесто, со тоа што путерот треба да биде на собна температура. Се распоредува тестото, најдобро е во тавчето да ставите хартија за печење за полесно да ја извадите питата кога ќе се испече. Тестото го боцкаме со вилушка и го оставаме во фрижидер најмалку 15 минути, ама може и подолго.Дињата ја блендираме и заедно со шеќерите ја ставаме на оган, на тивко да врие 10 минути. Ја додаваме кората и сокот од лимон како и зачините. Во 80 мл вода го раствораме густинот и го додаваме јајцето, ги матиме и ги додаваме во дињата, за да се направи пудингот. Мешаме додека да згусне. На крајот додаваме рум и мешаме додека да испари малку алкохолот.Филот малку изладен го ставаме во кората од питата и ја ставаме да се пече на температура од 200 степени, 20 минути.
