Над 2 милиони заразени со Ковид-19 во светот, речиси една третина се во САД

Бројот на заразените од коронавирус во светот надмина два милиони, покажуваат најновите податоци на „Worldometers“.

Според порталот 2.000.728 луѓе биле заразени со вирусот, 126.776 починале и 484.747 се закрепнети.

Најмногу заразени има во САД, 614.224, со 26.064 починати од вирусот.
Шпанија пријави 174.060 случаи и 18.225 смртни случаи.
Во Италија од вирусот починале 21.067 лица, а вкупно се заразени 162.488 лица.
Франција има 143.303 заразени лица и 15.729 починати, во Германија има 132.210 случаи на ковид-19 како и 3.495 смртни случаи.
Во Велика Британија има 93.873 заболени а 12,107 лица починале.

Во Кина, каде што вирусот се појави кон крајот на минатата година, заразени се 82.295 лица, починаа 3.342 лица, а земјата објави 46 нови случаи во последните 24 часа, соопшти „Worldometers“.