Уништени жардинерии пред државни и приватни објекти, искршена урбана опрема, а биле искршени и палми и украсни дрвца пред фонтаната на хотел во Гевгелија е сликата по синоќешниот полициски час.
Непознати лица од непознати причини ја искористија мерката забрана за движење во ноќните часови да извршат вандализам пред кој сите се згрозени и застрашени.
Во овие тешки моменти кога сите се загрижени за заштита на личното и колективното здравје од коронавирусот, граѓаните се згрозени од досега незабележениот вандализам во овој град.
Од ОВР Гевгелија извршија увид на терен и во тек е прегледување на снимки од видео надзорите на неколку угостителски објекти заради откривање на идентитетот на сторителите.
