Искусен лекар јавно го моли министерот Филипче да му биде овозможено да прими вакцина против Ковид19.
Целото обраќање на лекарот Горан Николов:
М О Л Б А
Почитуван министре за здравство доцент др Венко Филипче, почитувани помлади колешки и колеги!
Доколку некои од Вас од разно-разни причини не сака да ја прими, односно се откажува од вакцината за COVID 19, ако е можна замена, јас др Горан Николов лекар специјалист интернист-кардиолог се пријавувам и би прифатил да се вакцинирам.
Патем мора да напоменам дека водејќи го ПЗО СРЦЕ и работејќи цело време од почетокот на пандемијата без прекин , а мојата возраст се полни 65 години, е причината за ова мое јавно обраќање кон Вас колеги.
Конечно и ние вработените во приватниот здравствен сектор заедно со сите Вас ја споделуваме и превземаме дел од работата на Јавното здравство во справувањето со другите заболувања.
Скопје, 25.2.2021 год.
Со почит,
Др Горан Николов
