За само 4 часа, вчера, МВР напишале дури 291 казни за возење со поголема брзина.
Во текот на вчерашниот ден (29.06.2021) во периодот од 07.00 до 11.00 часот Министерството за внатрешни работи спроведе зајакната акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 291 возачи. Од нив, 35 возила се движеле со брзина над 50 километри на час повеќе од дозволеното, а три возилa се движеле со дури над 70 километри на час повеќе од дозволената брзина. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Само во Скопје имало изречено 200 санкции.
На територијата на град Скопје изречени се вкупно 200 мерки, меѓу кои за возење повеќе од дозволената брзина 50 санкции, три санкции за управување возило под дејство на алкохол, 23 санкции за прекршоци што ги чинат возачите на мотоцикли, 24 за управување без возачка дозвола велат во соопштението.
Исто така, изречени се десет санкции за управување на технички неисправни и нерегистрирани возила, пет за некористење сигурносен појас, 10 за користење мобилен телефон при управување возило, две за недавање првенство на минување на пешаци, три за минување на затворен сигнал (црвено светло), 49 санкции за непрописно паркирање.
Засилените акциски сообраќајни контроли продолжуваат велат од МВР.
