По нејзините вербални напади врз екс директор на ЈСП Скопје градоначалничката Данела Арсовска доби јавна порака да се извини за да не биде тужена за навреда и клевета.
Екс директорот во пораката дава конкретни информации, бројки и ситуации за неговата и за работата на Арсовска.
,,Последниве денови (ш)пицнава градоначалничка од само за неа познати причини решила да ме напаѓа. Легитимно е и немам ништо против, нека продолжи жената, но за волја на вистината морам да и укажам на некои факти кои очигледно и се непознати, а впрочем и од каде би и биле. 🤷
Директор на ЈСП Скопје бев речиси 3 години, на фукцијата стапив во Февруари 2015 година, а бев сменет во Ноември 2017 година. Така да, ниту сум бил, ниту сум можел да бидам директор на Мицкоски.
Во овој речиси 3 годишен период, финансиските проблеми беа огромен предизвик, но исто така станаа мисловна именка затоа што се работеше! Оставив во наследство модерно и финансиски стабилно јавно претпријатие, што успеавте да го уништите!
Добивка 2014-7.136.000 денари
Добивка 2015-72.980.000 денари
Добивка 2016-65.260.000 денари
Обврски за плаќање во Февруари 2015-174.477.000 денари, во Ноември 2017-96.518.000 денари.
Долг за ДДВ во Февруари 2015-90.422.000 денари, во Ноември 2017-13.491.000 денари.
А, покрај тоа се:
– воведе АВЛ систем,
– воведе електронска наплата,
– реорганизира Диспечерскиот центар во Оперативно-Контролен центар,
– пушти во употреба android/iOS апликација „JSP – On The Go“,
– воведе Интегриран тарифен систем,
– прошири продажната мрежа.
Ја прашувам Danela Arsovska кои се финансисите резултати од оваа година и дали можат на било кој начин да се споредат со најлошата година која јас сум ја имал во ЈСП? Или еве за полесно да и биде, нека ги погледне и претходните 20-30 години од работењето на ЈСП. 😉
Danela Arsovska не е убаво да се расфрлате со паушални и хистерични изјави, ја губите и минималната поддршка која ја имате, ако воопшто останала таква. Земете нешто да сработите и мислете како ќе обезбедите плата за овој месец во ЈСП, тоа е поважно него да се занимавате со мене.
Искрено ви посакувам во овие 3 години што ви остануваат од мандатот да имате дупло подобри резултати од тие што јас ги постигнав во ЈСП Скопје.
А, да – во мое време во ЈСП се земаше плата до 5-ти во месецот и немаше ниту еден штрајк. 🙏💪
П.С. – бидејќи не знаете како, прашајте, не е срамота да се побара помош.
П.П.С. – очекувам јавно извинување за клеветите и навредите кон мене … да не мора да одиме по судови”, пишува во јавната порака од екс директорот на ЈСП Скопје
Игор Јанушев, кој сега е пратеник, до градоначалничката на Скопје Данела Арсовска.
Арсовска се уште не се извинила.
