Американскиот економист, професор на Универзитетот „Колумбија“, кој беше советник на југословенскиот премиер Анте Марковиќ во 1990-тите, Џефри Сакс во интервју за НИН изјави дека верувал во спас на Југославија, но дека „премногу политичари во Југославија и во Европа сакаа да ѝ стават крај на Југославија, а не да ја спасат“.



„Главната работа што ја препорачав во 1989 година во поранешна Југославија, Полска, Советскиот Сојуз, а подоцна и во Русија беше глобалната соработка со регионот во криза за да се излезе од хаосот. Она што го советував во секој од тие случаи, вклучително и Југославија, беше финансиска надворешна помош за да се стабилизираат финансиите во нестабилна ситуација“, вели Сакс во интервјуто.

„Кога го предложив тоа за Југославија, Европа го отфрли. Европа не сакаше Југославија да опстане. Тие сакаа да ја видат распадната. Верувам дека резултатите беа генерално штетни иако, се разбира, многу од земјите наследнички се среќни поради нивната независност“, вели Сакс.