Поранешниот американски претседател Доналд Трамп, на предизборен собир во Грин Беј, Висконсин, се качи во бел камион за ѓубре на кој беше испишан слоганот на неговата кампања, објавија американски медиуми
„Како ви се допаѓа мојот камион за ѓубре? Тоа е во чест на Камала и Џо Бајден“, рече Трамп.
Тоа беше одговор на неодамнешните коментари на актуелниот претседател, демократот Џо Бајден, за кој поддржувачите на Трамп велат дека ги нарекол ѓубре.
Кандидатот за шеф на државата од Републиканската партија реши да ја искористи ситуацијата во своја полза, забележуваат публикациите.
Оваа недела, Бајден, на онлајн средба со латино гласачите, го коментираше говорот на комичарот Тони Хинчклиф на митингот на Трамп во Медисон Сквер Гарден во Њујорк, кој го нарече Порторико „пловечки остров на ѓубре“.
„Единственото ѓубре што го гледам се неговите поддржувачи. Неговото демонизирање на Латиноамериканците е несовесно, тоа е неамериканско“, рече американскиот претседател.
