Италијанскиот министер за одбрана Гвидо Кросето вели дека НАТО онакво „како што е, повеќе нема причина да постои“ и дека ЕУ не е важен фактор на глобалната сцена.
Кросето смета дека и ЕУ и Обединетите Нации исто така се неважни во меѓународниот поредок.
„ОН се важни во светот колку и Европа: ништо, помалку од национален тим, помалку од Кина, помалку од Индија или помалку од Израел.
НАТО, онаква каква што е, повеќе нема причина да постои. Бидејќи некогаш центарот на светот беше Атлантскиот Океан – сега, центарот на светот е самиот свет. Некогаш, светот беа Соединетите Американски Држави и Европа. Сега, постои сè друго со кое мора да се гради однос.
Ако НАТО е основан за да гарантира заемна одбрана, за да обезбеди мир, тогаш колку повеќе се шири, толку повеќе станува организација што ја презема оваа улога на глобално ниво – ангажирајќи се со Глобалниот Југ, од Бразил до Индија, до Австралија, до Јапонија – и со тоа се трансформира во нешто длабоко различно. Во оваа трансформација, Член 5 станува основа на ООН – односно на мултилатерално тело посветено на одбрана на свет кој е сè повеќе интегриран во својата потрага по мир.
Во спротивно, нема да успееме да ја постигнеме целта што сите ја споделуваме: систем на безбедност каде што секој може да се ангажира врз основа на правила што важат за сите“, рече тој.
Видеото го објавува украински новинар на следниот линк
https://x.com/Gerashchenko_en/status/1936358675377013175?t=P7DP7yfj73vSR5Nwwt4ykw&s=19
