Фудбалскиот репрезентативец на Македонија, Дарко Чурлинов, се запиша во листата на стрелците втор натпревар едноподруго за Јагјелонија во полската Екстра класа, овојпат во ремито 2:2 во дербито со Краковија на гостински терен, откако во претходното коло погоди во победата од 3:0 над Мотор Лублин.
Чурлинов го отвори резултатот во 34. минута со својот четврти првенствен погодок сезонава, пет минути подоцна Јагјелонија поведе и со 2:0, но во последните 17 минути прими два гола и сега е трета со 43 бода, два помалку од водечкиот Лех и еден помалку од Раков.
За 24-годишниот македонски напаѓач, кој настапува како зајмен играч на Барнли до крајот на сезонава, ова е вкупно петти гол за Јагјелонија, вклучувајќи го и тој против Копенхаген во Конференциската лига на УЕФА, а има и три асистенции.
Погодокот против Краковија е околу 1:20 минути од почетокот на видеото:
