Хоспитализиран еден од обвинетите за убиствата на Вања и Панче

Велешанецот Боре Видевски, кој е еден од обвинетите за убиствата на 14-годишната Вања Ѓорчевска и на 74-годишниот Панче Жежовски е префрлен на државната клиника, пренесува ТВ Телма.

Неговиот адвокат Бојан Манев за Телма вели дека Видевски се наоѓа во тешка здравствена состојба и подолго време се жалел на болки. Видевски инаку има трансплантиран бубрег. Од декември се наоѓа во притвор во затворот во Шуто Оризари, а вчера бил пренесен во болница.