Ова го изјави претседателот на СДСМ, Венко Филипче истакнувајќи дека коалицијата со ДУИ во изминатите години сериозно ја нарушила позицијата на СДСМ.
„Бевме сервилни кон нашите коалициски партнери и тие ја злоупотребија нашата ширина. Не вреди да останеме во Владата или да ја држиме Владата подолго време, сериозно да ја нарушиме нашата позиција“, рече Филипче во интервју за „360 степени“.
Tој го образложи овој став како дел од научените лекции од минатото, кои веќе се имплементирани во новиот пристап на партијата.
Тој ја објасни оваа позиција како дел од научените лекции од минатото, кои веќе се имплементирани во новиот пристап на партијата.
„ Да, ДУИ на некој начин ја трошеше и во значаен дел ја потроши СДСМ како дел од власта. Тоа не е само моја констатација, туку е дел од многу сериозна анализа која што ја направивме“, изјави претседателот на СДСМ.
Филипче истакна дека партијата повеќе нема да прави компромиси кои би ја загрозиле нејзината иднина и принципите што ги застапува. Вредностите и интересите на граѓаните ќе бидат основата за секоја идна коалиција.
„ Секоја идна коалиција ќе ја градиме врз основа на вредносните политики. Вакви компромиси, кои сериозно го оштетија нашиот интегритет, нема да се повторат“, нагласи тој.
