Вицепремиерот Арбен Фетаи, кој е и неформален лидер на третото крило во Алијансата за Албанците, се обрати со јавно писмо до активистите на Алијансата за Албанците, во кое вели дека “вистинската Алијанса за Албанците е во Вреди, а оти другиот дел е узурпиран од Али Ахмети“. „Експрес“ го пренесува ова јавно писмо во интегрална верзија, објавено од информативниот портал на албански јазик „Алфакс“:
„Апел до искрените активисти на АА, измамени и предадени од заложниците на Али Ахмети:
Вашите срца се повредени од последователните лаги на заложниците на Али. Тие ви ветија дека самите ќе се настапат на изборите, ги наполнија вашите умови со ветувања за моќ што им е дадена во општините и во центарот. Но, вистината беше добро позната одамна: тие самите нема да се кандидираат на изборите, бидејќи му се продадоа на Али Ахмети. Тие нема да имаат ниту власт, затоа што заврши времето на Ахмети, а заедно со него заврши и нивното време. Ахмети е уморен старец, потонат во своите маки со правдата, тој е сенка на темното минато на противалбанските режими.“
„Али Ахмети нема место во иднината на гордите Албанци на оваа земја. Али е уморен старец, давејќи се во своите проблеми со правдата, сенка на темното минато на антиалбанските режими. Тој нема место во иднината на гордите Албанци на оваа земја. Двојката Арбен Таравари – Зијадин Села никогаш не се бореше за Алијансата за Албанците, тие почнаа првично заедно, за да му го заземат местото на Мендух Тачи, лидерот на ДПА, но потоа продолжија со цел да си го одземат местото едниот на другиот.“
„Сега Таравари и Села се седнати во скутот на Али Ахмети и чекаат во ред да му го земат местото и нему на чело на ДУИ. Ова е нивниот план, ова е се што тие нудат: паразитизам, дегенерација. Овие двајца предавници се продадоа себеси во ваше име, тврдејќи дека ги претставуваат структурите на АА. Но во меѓувреме огромното наше мнозинство ги напушти, бидејќи ние не прифаќаме никогаш претопување во ДУИ.“
„Вие, малкумината преостанати, кои сè уште останувате под диктатот на заложниците на Али, денес измамени, а утре принудени да гласате за ДУИ, знајте: не им должите ништо на оваа двојка Таравари-Села, кои го газат вашиот труд и ве третираат како ѓубре. Не им должите ништо, бидејќи тие ја понижуваат вашата гордост и бидејќи ви наметнаа деморализација преку измама. Затоа, ве повикувам да останете верни на себе, на вашите семејства и на вашите колеги-активисти. Сè уште има време да се ослободите од прангите на Али Ахмети. Кога ќе дојдат октомври и изборите, не принудувајте се да молчите, да собирате гласови за Ахмети, или уште полошо: да ги рехабилитирате со свои раце оние, кои две децении му нанесуваа штета на се, што е албанско, на оние кои ве прогонуваа и ве угнетуваа вас лично, само затоа што сте се осмелиле да размислувате поинаку.“
„Вистинската Алијанса за Албанците е во Вреди. Другиот дел е во Вреди. Кажете им ‘не’ на заложниците на Ахмети. Останете горди во вашиот дом, таму каде што се наоѓа апсолутното мнозинство на активисти на АА.“ – наведе Арбен Фетаи во своето јавно писмо до активистите и членството на Алијансата за Албанците.
