За време на групната фаза на натпреварувањето, УЕФА изрече казни во вкупна вредност од над 1,2 милиони евра, од кои 719.375 евра поради фрлање предмети од трибините, јави МИА.
Според статистиката на УЕФА, од 36 натпревари во групната фаза на Европското првенство во Германија, навивачите фрлале пластични чаши за пиво на теренот на 25 натпревари.
На седум од тие 25 натпревари, навивачите на двата тима биле одговорни за фрлање предмети, а 19 од 24 екипи се санкционирани.
На прво место според висината на изречените казни е Хрватска, која ќе треба да плати казна од 220.000 евра. На второ место е Албанија со 171.000 евра, а на трето Србија со вкупна казна од 166.000 евра.
Казни не им се изречени на само три репрезентации – Франција, Шпанија и Словачка.
