Сакам да му се заблагодарам на американскиот народ за поддршката, изјави републикански кандидат и сигурен нов станар вои Белата куќа, Доналд Трамп во обраќањето до американската јавност од неговиот имот Мар-а Лаго.
„Ќе се борам за вас, вашите семејства, вашата иднина. Нема да застанам додека не испорачаме силна и просперитетна Америка. Ова ќе биде златно доба за Америка“, порача поранешниот претседател кој ги згуби изборите во 2020 од сегашниот американски претседател Џо Бајден.
„Ќе ве направиме горди и среќни. Сакам да погледнете наназад еден ден и да бидете горди што гласавте за оваа група луѓе зад мене.
Сакам да му се заблагодарам на американскиот народ што ме избра за 47-ми претседател, како и за 45-ти претседател.
На секој граѓанин можам да му кажам дека ќе се борам за вас, вашите семејства и вашата иднина, ќе се борам со секој здив во моето тело, нема да застанам додека на Американците не им ја дадеме слободната и просперитетна земја што ја заслужуваат. Ова ќе биде златното доба на Америка, ова е славна победа која ќе ни овозможи повторно да ја направиме Америка голема.
Покрај освојувањето на сојузните држави, победуваме и во Мичиген, Аризона, Алјаска, Невада и тоа ќе собере најмалку 315 електорски гласови. Многу е полесно да се направи она што го направија големите телевизори и да се прогласи победник затоа што немаше друг начин да се победи. Го освоивме и народниот глас, мнозинството во секој глас.
Добивањето на народниот глас е многу убаво, ќе бидете многу горди на гласот што го дадовте и ќе кажете дека моментот кога гласавте за оваа група луѓе беше еден од најважните моменти во вашиот живот.
Америка ни даде мандат кој е моќен и без преседан, а ние исто така ја вративме контролата врз Сенатот.
Тоа е одлично.Никој не го очекуваше тоа, па затоа сакам многу да ви се заблагодарам за тоа“ рече Трамп.
