Доналд Трамп му предложил на канадскиот премиер Џастин Трудо минатата недела дека ако трговските тарифи и имиграциските проблеми ја убијат економијата на соседна Канада, можеби Канада треба да стане 51-та американска држава, пишува Фокс њуз.
После тоа, новоизбраниот претседател на САД објави фотомонтажа со вештачка интелигенција на која стои на врвот на планина со канадско знаме.
Тој само напиша „Ох Канада“ во описот.
Настрана од фактот дека е прилично чудно претседателот на една земја да објавува своја монтажа со знаме на друга земја, најавата на Трамп доаѓа во интересен момент.
Минатиот петок, Трудо направи непланирано патување за да се сретне со Трамп во Мар-а-Лаго, откако новиот американски претседател се закани дека ќе воведе високи царини за канадски стоки.
Трамп се заканува дека ќе воведе царини од 25 отсто за Канада и Мексико поради, како што вели, нивната неможност да го запрат протокот на илегални имигранти и наркотици од тие земји во САД.
Според Фокс њуз, две лица кои биле присутни и го слушнале разговорот, Трамп, иако љубезен и топол, бил многу директен за тоа што очекувал од северните соседи.
Трамп потоа му предложи на Трудо Канада да стане 51-та држава, што предизвика нервозна смеа кај премиерот и другите присутни, изјавија извори за Фокс њуз.
Но, Трамп продолжи, велејќи му на Трудо дека „премиер“ е подобра титула, иако тој сè уште може да биде гувернер на 51-та држава.
Извори за Фокс њуз изјавиле дека некој на масата забележал дека Канада ќе биде многу либерална сојузна држава, на што сите се смееле.
