На Косово му се заканува нова политичка криза по денешното апсење на лидерот на движењето Самоопределување, Албин Курти кој беше приведен пред косовското Собрание.
Заедно со него се уапсени и две пратенички од партијата Албуљена Хаџиу и Доника Кадај Бујупи.
Апсењето на членовите на Самоопределување која е трета политичка сила во земјата се случило по налог издаден од Основниот суд во Приштина.
Според косовските медиуми пред апсењето полицијата се обидела да го уапси Курти во неговиот дом а бил извршен претрес и во канцеларијата на партијата во Собранието на Косово.
Апсењето се случува на два дена откако Курти и тројца негови пратеници не се појавиле на суд кога имало рочиште за фрлање на солзавец во косовското собрание.
Курти и уште 6 високи функционери на Самоопределување имаат и албански пасош издадени од страна на албанскиот претседате Бујар Нишани.
