Министерот за здравство од коалицијата „Вреди“, Арбен Таравари, е убеден дека политичката кариера на лидерот на ДУИ, Али Ахмети, ќе заврши на локалните избори следната година.
„Мислам дека политичкиот крај на Али Ахмети ќе бидат локалните избори. Верувам дека ВЛЕН ќе направи резултат и господинот Ахмети таа вечер ќе излезе и ќе го прифати поразот на локалните избори и верувам дека неговата политичка кариера, за среќа или за жал, во зависност од тоа кој како гледа на тоа, ќе заврши“, изјави Таравари во емисијата „Клик плус“ на ТВ 21.
