Талибанците соопштија дека ќе ги затворат сите национални и странски невладини групи во Авганистан кои вработуваат жени, што е најново потиснување на правата на жените откако тие ја презедоа власта во август 2021 година, јавува Си-Ен-Ен
Во писмото објавено во неделата навечер , Министерството за економија предупреди дека непочитувањето на најновата наредба ќе доведе до тоа невладините организации да ја изгубат лиценцата за работа во Авганистан.
ОН ги повика талибанците да ја укинат наредбата.
„Ова навистина влијае на тоа како можеме да доставиме хуманитарна помош за спасување на животот на сите луѓе во Авганистан. И очигледно сме многу загрижени поради фактот што зборуваме за земја во која половина од населението е обесправено и живее во сиромаштија, а многу од нив, не само жените, се соочуваат со хуманитарна криза“, рече портпаролката на ОН, Флоренсија Сото Нино. – Мартинез.
Талибанците негираат дека попречуваат или се мешаат во работата на хуманитарните агенции.
Вчера талибанците забранија зградите да имаат прозорци низ кои може да се види што прават жените.
Авганистан: Згради без прозорци за „заштита на приватноста на жените“
