„Забраната се однесува на земји, организации и групи, т.е. знамиња, симболи, песни, униформи, дури и однесување што би сугерирало глорификација на нацизмот и фашизмот“, пишуваат медиумите во Словенија откако Парламентот на Словенија гласаше за измена на Законот за зачувување на јавниот ред и мир.
Во листата на забранети се вклучени и четници и усташи, заедно со словенечките соработници на фашистичките сили.
Казната за прекршителите на законот ќе изнесува од 500 до 1.000 евра, предвидуваат усвоените измени на Законот за зачувување на јавниот ред и мир.
За гласаа 48 делегати, а шест беа против.
На седницата за време на гласањето не присуствуваа претставници на СДС, чиј претседател е Јанез Јанша, поранешен премиер на Словенија во три мандати.
