Вилијам Стојов е американски Македонец кој живее во градот во Толедо во американската сојузна држава Охајо.
Стојов е единствениот од неговото семејство што некогаш дошол во Македонија.
Годинава доаѓа со цел во Струга и во Охридското езеро да ја расее пепелта од неговата кремирана мајка која почнала лани а од заминување во САД никогаш не се вратила во родниот крај.
,,Моето семејство дојде во САД од Струга во 1930-тите. Јас сум единствениот човек во семејството што некогаш се вратил во старата земја. Јас очигледно не сум 100% Македонец, зборувам многу малку македонски, но ме прифатија голем број Македонци како нивни браќа и многу го ценам тоа.
Во мај минатата година мајка ми почина. Таа никогаш не се врати во старата земја (нашето семејство беше многу сиромашно). Нашето семејство ја кремираше по нејзино барање. Со сопругата планиравме оваа година да дојдеме на одмор во Македонија, па затоа решивме откако таа почина да донесеме дел од нејзината пепел и да ја распосламе на плажата во Струга и мала количина во езерото”, раскажува Вилијам Стојов.
Тој вели дека со жена му веќе еднаш биле во Македонија и имале туристички активности и раскажува за планот за годинешната посета на Македонија.
,,Слетуваме во Скопје на еден ден, потоа до кањонот Матка истиот ден. Оттаму возиме до Струга на неколку дена. Потоа Охрид. И понатаму кон Битола. Завршувајќи назад во Скопје. Се надеваме дека можеби ќе се сретнеме со некои луѓе од овде и со нив ќе ручаме или вечераме. Би сакал да имам повеќе лично искуство овој пат и можеби да видам полокална перспектива. Исто така, ако има други места во тие области каде што би можело да биде убаво да се оди (споменици, винарии и др) и каде што се зборува на англиски јазик.
Благодарност до секој што може да одговори со корисни совети за ова патување”, прашува Стојов.
