Општина Демир Хисар добива модерен, современ и урбан изглед благодарение на работата, на активноста и посветеноста на градоначалникот, на советниците на Општина Демир Хисар, но и општинската администрација, изјави денеска пратеникот и генерален секретар на ВМРО-ДПМНЕ, Ѓорѓија Сајкоски.
Истакна дека во минатото беа реализирани безброј проекти кои што се круцијално значајни за жителите на општина Демир Хисар.
Но, Општина Демир Хисар исто така реализира проекти кои што се и за останатите населени места, кои се во околината на градот Демир Хисар. А, тоа се населеното место Прибилци, населеното место Вардино и населеното место Сопотница добиваат по две улици кои што беа многу значајни за жителите на овие населени места бидејќи го подобруваат квалитетот на живот на овие граѓани, меѓутоа и ја зголемува вредноста и на нивните имоти.
Општина Демир Хисар прераснува навистина во еден значаен центар во овој регион кој што го смени својот изглед од пред доаѓањето на локалната власт на сегашниот градоначалник Никола, кој посветено работи и реализира проекти кои и што не беа ветени во програмата.
А, она што беше ветено во изминатиот период е веќе реализирано за две ипол години, посочува Сајкоски.
