Министерот за надворешни работи Бујар Османи кој за себе во кампањата за шеф на државата смета дека е европски претседател за амбасадор во една од најголемите држави на светот испратил човек кој судски е прогласен за измамник.
,,Зошто Османи во Индија испратил амбасадор за кој судот одлучил да му се конфискува незаконски стекнат имот”, прашува шефот на собраниската комисија за надворешна политика Антонијо Милошоски.
,,Амбасадорот Слободан Узунов треба под итно да биде отповикан од Индија затоа што е недостоен да ја врши таа висока државна функција, без разлика колку им е близок на функционери од СДСМ и на министерот Османи. Еве зошто 👇:
⚠️ Фросина Ушлиновска, Слободан Узунов и Кирил Бухов (вториот е братучед, а третиот сопруг на Ирина Бухова, поранешен дир.на Државен здравств.инспекторат) се основачи на фирмата “Инженеринг ОК Групација”. Со судска пресуда од декември 2018 утврдено е дека оваа фирма на ул.Хелсинки бр.49 (Тафталиџе1, Карпош):
– изградила зграда без дозвола за градба
– изработила фалсификат одобрение за градба
– противправно се стекнале со имотна корист преку продавање на стамбен простор во дивоградба со лажна документација и измамиле пет фамилии кои уплатиле 200.000 евра за станови кои сеуште не ги добиле”, вели Милошоски кој се повикува на судска пресуда, која станува извршна во ноември 2021 година.
,,Пресудата налага од Фросина Ушлиновска, амбасадорот Слободан Узунов и Кирил Бухов да се конфискува непосредна и посредна имотна корист стекната со извршување на кривично дело и да им се врати на оштетените пет фамилии, кои останале и без пари, и без станови”, објавува Милошоски според кого и покрај ваквото дело, ниту МНР Османи ниту владата, немале проблем во март 2021 година да донесат одлука Слободан Узунов да биде именуван за амбасадор во Индија.
,, Министерот Османи требало да знае за овој случај бидејќи оштетените фамилии очајно ја барале правдата и за овој криминал неколку пати писмено ја известиле Владата, Јавното обвинителство, Народниот правобранител, Хелсиншкиот комитет и градоначалниците на општина Карпош, Стевчо Јакимовски и Стефан Богоев. Во меѓувреме, основачите на фирмата, меѓу кои и амбасадорот Слободан Узунов, преку правни трикови се обезимотиле, што може да се види и од неговиот празен анкетен лист во регистарот на ДКСК и сега амбасадорот “нема” средства, нема приходи, нема фирма, ниту има имот за да плати обесштетување на жртвите на измамата. Не знам дали МНР воопшто му уплаќа плата на трансакциска сметка”, смета Милошоски.
,,Во текот на целата оваа голгота за пет фамилии, двајца од уплаќачите на овие дивоизградени станови веќе починале, другите се на улица, а дивоградбата во срцето на општина Карпош (ул. Хелсинки бр.49) е запленета од Агенцијата за управување со одземен имот. А Бујар Османи ни збори за европски вредности.
Пред министерот Османи да се обиде да ја сокрие својата неспособност позади флоскулата “лажни вести”, му препорачувам да направи увид во пресудата бр.1411/19 од Кривичниот суд Скопје, како и да го побара предметот од Агенцијата за управување со одземен имот, каде директор е нему добро познатиот Дритон Небиу. Потоа нека ни збори за владеење на правото и за “европскиот фронт” во кој измамници со дивоградби се поставуваат за амбасадори”, објави Милошоски кој смета дека владата на Република Македонија и претседателот Пендаровски под итно треба да донесат одлука за отповикување на амбасадорот Слободан Узунов, согласно чл.36 од Законот за надворешни работи, бидејќи не е достоен да ја извршува оваа највисока дипломатска функција.
Најчитани статии
Додека народот е во криза власта се забавува
Ни се случува ,,Тешкото” а однародените играат оро, Силјановска за бизарните митинзи на Пендаровски
