Лидерот на „Народното движење“, Скендер Реџепи-Зејди, реагираше откако Собранието го изгласа Законот за основно образование, во кој случај директорите на училиштата ќе подлежат на тест за познавање на македонскиот јазик.
Зејди вели дека со овој закон се македонизираат албанските училишта, па ја обвинува и Коалицијата на албанскте партии ВРЕДИ дека ја спроведува агендата на ВМРО-ДПМНЕ откако пратениците од ВЛЕН гласаа за овој закон нарекувајќи ги „вазали“.
„Во Собранието на Република Македонија штотуку беше изгласан Законот за основно образование во кој е утврдено дека сите директори на основни училишта мора да поминат тест за познавање на македонскиот јазик“ пишув Зејд во објава на Фејсбук.
„За жал, пратениците на ВРЕДИ го отфрлија нашиот повик да не се гласа за овој закон, кој е дел од националистичката агенда на ВМРО за македонизација на албанските основни училишта.
Затоа, СИТЕ пратеници на ВРЕДИ едногласно изгласаа дека во 367 чисто албански основни училишта директорите се обврзани да поседуваат потврда за познавање на македонскиот јазик и покрај тоа што сите ученици во овие училишта се Албанци.
Срамота!!!“ – напиша Реџепи Зејди во објавата што ја пренесува Телеграфи
