Адвокатот Насер Рауфи во „Отворено“ нагласи дека ја поздравува иницијативата за разрешување на државниот јавен обвинител Љупчо Коцевски, бидејќи не покажал резултати во текот на своето работење. Ова го објави ТВ 24.
Телевизијата истакнува: „Требаше да има и порано да има ваква иницијатива, бидејќи нема резултати, откако дојде на функцијата на државен обвинител. Тоа најдобро го покажува назадувањето во владеењето на правото: ние сме на рамниште на африканските земји. Нема успех во неговата работа. Според мое мислење, не е доволно, имајќи предвид колку криминал има и корупција, ние имаме епидемија на корупција.“ – изјави Рауфи.
Тој рече дека државниот јавен обвинител треба да си поднесе одговорност за неговата работа.
„Согласно со законот за обвинителство, државниот обвинител е главен и ако не ја врши работата не можеме да очекуваме дека ќе работат пониските обвинителства. Тој мора да поднесе одговорност. Ова е стара приказна, се поставува како политичка личност и тогаш не можете да очекувате независност кога тие поставуваат свој човек и нормално дека ќе оди по нивен интерес.“ – додаде адвокатот Насер Рауфи.
