Приватните автобуси во Скопје пак застанаа

Поради долгови од ЈСП, приватните превозници во Скопје го прекинаа превозот на патници што предизвика хаос во јавниот транспорт.



Иако Град Скопје ја зголеми исплатата по километар, превозниците бараат итна исплата на заостанатите обврски, дознава Радио Лидер.

Најавуваат дека ќе продолжат со работа само по целосна исплата на заостанатите обврски.
Според нив, долгот од страна на ЈСП датира од јуни оваа година, што ги ставило во незавидна финансиска ситуација. Тие објавија дека нема да ги враќаат возилата на улиците додека не се исплати целиот долг.
Велат дека зголемувањето на исплатата по километар на 20 денари е чекор напред, но тие инсистираат на исплата на долговите како основен услов за враќање на улиците.