Претседателката Гордана Сиљановска Давкова пред самитот на НАТО била дел од прием кај холандското кралско семејство.
Заедно со американскиот претседател Доналд Трамп и други светски државници Сиљановска Давкова беше дел од настан во организација на холандскиот крал и неговата сопруга.
,,Ми беше чест да присуствувам на свечениот прием организиран од Неговото Височество Вилем-Александар, крал на Холандија и Нејзиното Височество кралицата Максима, во пресрет на Состанокот на Северноатлантскиот совет во Хаг”, објави Сиљановска Давкова.
Денеска во Хаг НАТО ќе разговара за актуелните глобални безбедносни предизвици и повеќе други стратешки теми.
