Претседателката Гордана Сиљановска Давкова остварила средба со делегација од единствената политичка партија на Македонците во Албанија – Македонската алијанса за европска интеграција, предводена од нејзиниот претседател, Васил Стерјовски.
,,Разговаравме за состојбата на македонското малцинство и односот на албанските институции кон нив, при што укажаа дека се соочуваат со пропаганда и обиди за асимилација коишто го загрозуваат нивниот национален и културен идентитет.
Потребен е стратешки пристап во решавањето на статусот и заштитата на правата на македонското малцинство во Албанија, согласно европските и меѓународните документи”, објави претседателката Гордана Сиљановска Давкова.
