Нешто можеби далечно од нашата традиција, но во последно време многу популарно, а патем и лесно и брзо за подготовка. Негативната работе што го следи овој оброк е миризбата која некои ја сакаат, некои не многу.
Потребни состојки :
-500 гр пилешки стек
-400 гр свежи шампињони
-400 мл павлака
-2 моркови
-2 главици кромид
-2 лукчиња
-1 лажица мајонез
-3 лажички исецкан свеж магдонос
-1 лажичка кари
-сол, црн бибер и масло
Подготова:
Пилешкиот стек се става во длабок сад со вода и се вари дваесетина минути на тивок оган. За тоа време, се сечка кромидот, лукот и морковот на мали коцки и се ставаат на оган да се пржат со малку масло. Се трга месото од оган, се мие, се процедува и се сече на поголеми коцки. Се сечкаат и шампињоните.
Кога кромидот ќе зарумени, се додава месото да се пропржи во садот, а по десетина минути се додаваат карито, шампињоните, павлаката, мајонезот, магдоносот и зачините. Сите состојки се промешуваат, садот се трга од оган и целата смеса се става во сад за печење. Јадењето се пече во загреана рерна околу 20 минути.
