Првообвинетиот за убиството на 16 годишната Вања Ѓорчевска се обидува да изгради алиби дека бил во банка за време на убиството на малолетната Вања Ѓорчевска која беше грабната и потоа и убиена и за тоа приложи уплатница со извршена уплата во 11.40 часот, во Халк банка во Буњаковец.
Денеска во Кривичниот суд ќе продолжи судењето за грабнувањата и за убиствата на 74-годишниот Панче Жежовски од Велес и на 14-годишната Вања Ѓорчевска од Скопје, кои беа извршени на 22 и на 27 ноември 2023 година во околината на Велес и во околината на Скопје.
На последното рочиште неговата одбрана побара Судот да ѝ нареди на банката да достави снимки од кои се гледа дека Љупчо Палевски е внатре во банката и долго време чека ред. Судот го прифати ова барање и најави дека ќе го прибави како доказ видеонадзорот од Халк банка во периодот од 9 до 12 часот во критичниот ден.
Палевски тврди дека додека чекал ред во банката, еднаш го вратиле од шалтер, па се враќал, стоел и разговарал со извесен професор Мартин Панчевски.
Тој Панчевски беше поканет како сведок, но судијата рече дека не е најден на дадената адреса, па ќе биде поканет уште еднаш за рочиштето на 26 март.
Освен Палевски, обвинети за грабнувањата и за убиствата се и Велибор Манев и Боре Видевски од Велес и Влатко Кешишев од Штип, а Александар Ѓорчевски е обвинет за помагање во грабнувањето на неговата ќерка Вања.
Повеќе на Плусинфо
