Десничарската популистичка Партија на слободата на Австрија (FPÖ) има добри изгледи заt победа на парламентарните избори, денеска, но сè уште има мали шанси да произведе канцелар и да формира влада.
Изборите во недела за Nationalrat (Национален совет), како што се нарекува долниот дом на сојузниот парламент во Австрија, би можеле да останат во историјата како први федерални избори на кои десничарската FPÖ би можела да освои најголем број гласови.
Партијата на слободата (FPÖ) веќе учествуваше во неколку влади во алпската земја, но никогаш не беше прва на националните избори.
Во речиси сите анкети, партијата на Херберт Кикл води со околу 28 отсто поддршка пред владејачката конзервативна Австриска народна партија (ÖVP), која може да смета на поддршка од 24 до 26 отсто од гласовите.
Ова е голема загуба за „народњаците“ во однос на последните избори во 2019 година, кога на нив избрале 37 отсто од гласачите.
„Социјална помош во иднина само за домашните, нема политички азил во Австрија, Австрија е опкружена со безбедни земји. Кој ќе ја запре миграцијата на луѓето ќе го запре и увозот на исламизмот”, ја претстави својата предизборна програма главниот кандидат на FPO, Херберт Кикл.
„Во Австрија живеат премногу странци“ е главната предизборна порака на десничарската партија.
Херберт Кикл е среќен што се гледа себеси во идната улога на претседател на австриската влада и го користи терминот „народен канцелар“, иако ова е името со кое во минатото се нарекувал само Адолф Хитлер. Но, веројатноста Кикл да стане австриски канцелар сепак е мала.
Како и во соседна Германија, каде што никој не сака да коалицира со десничарските популисти од Алтернатива за Германија (AfD), ни SPÖ нема да има партнер за влада во која Кикл би бил канцелар.
