Американскиот претседател Доналд Трамп изјави дека нема преживеани откако комерцијален патнички авион со 64 лица се судри со воен хеликоптер пред главниот град Вашингтон.
Тој посочи дека официјалните лица сè уште не знаат што доведе до несреќата доцна во средата на летот 5342 на Американ Ерлајнс и воениот хеликоптер Блек Хок во близина на националниот аеродром Реган, но рече дека „има некои многу мислења и претпоставки“.
Тој започна политички напад без преседан, обвинувајќи ја програмата за разноликост, еднаквост и инклузивност на работното место за судирот меѓу патнички авион и воен хеликоптер.
Трамп ги обвини практиките на левичарската разноликост во времето на неговите претходници Џо Бајден и Барак Обама, велејќи дека затоа нема квалитетни вработени во Федералната управа за авијација.
„На прво место ја ставам безбедноста. Обама, Бајден и демократите ја ставија политиката на прво место“, рече Трамп. „Тие всушност ја предложија директивата „премногу бело. Ние сакаме луѓе кои се компетентни“, додаде тој.
