Европскиот парламент денес одлучува дали да започне постапка за укинување на летното сметање на времето, иницијатива зад која стојат балтичките и скандинавските земји.
Анализите, покажуваат дека поместувањето на стрелките двапати годишно влијае лошо не само на биолошкиот часовник на луѓето, туку исто така носи и економски загуби.
Според анализата на Европската комисија, промената на времето се покажа штетна за речиси 20 отсто од Европејците – оние со лабилна психа, со кардиоваскуларни проблеми или кои боледуваат од ендокрини нарушувања.
Ако европратениците одлучат да ја активираат постапката за откажување од летното и зимскто сметање на времето, тие ќе ја повикаат Европската комисија да го укине овој режим.
