Ова денеска го потврди портпаролот на Кремљ, Дмитриј Песков, според кој Русија нема намера да врати ниту еден дел од окупираната територија на Украина.
„Тоа се територии кои станаа дел од Русија и се вклучени во нашата државна уставна одредба како неотуѓив дел од Русија. Тоа е факт што ние апсолутно не можеме да го негираме или да разговараме“, рече Песков на дневниот брифинг со новинарите.
Изјавата сугерира дека Русија има намера да продолжи да се бори барем додека не ги освои сите четири украински региони за кои Москва тврди дека се свои.
Според рускиот устав, Доњецк, Луганск, Херсон и Запорожје се дел од Русија, иако руските сили не ги контролираат целосно овие региони, а Украина и меѓународната заедница ги сметаат за дел од Украина.
Коментарите на портпаролот на Кремљ доаѓаат еден ден откако рускиот министер за надворешни работи Сергеј Лавров исто така посочи дека Русија бара целосна контрола врз четирите региони.
