Грчкиот премиер Кирјакос Мицотакис реагираше на ставот на мандатарот за формирање Влада Христијан Мицкоски околу употребата на името Македонија.
„Скопје влезе во НАТО токму преку Договорот, кој има свои проблеми, меѓутоа обезбеди едно име за сите и ако ова се оспори, тогаш да знае с.Македонија дека ќе има големи проблеми, не само во нејзините билатерални односи со Грција, туку и во нејзините односи и во НАТО и со Европската Унија кон која има амбиција во некој момент да стане членка, рече Мицотакис пренесува МИА
Ако премиерот на с. Македонија продолжи вака, ќе се најде во многу непријатна позиција кога ќе се сретнеме на НАТО Самитот, изјави во интервјуто за радиото „Реал фм“ Мицотакис.
„Ме прашувате што се случува, ви велам не може да продолжиме вака. Премиерот на С. Македонија, ако од моментот кога ќе ја презеде должноста, инсистира на оваа реторика, ќе се најде во многу непријатна позиција, кога ќе се сретнеме на НАТО Самитот, рече грчкиот премиер.
Според него Договорот од Преспа обезбеди едно име за севкупна употреба, а не двојна формула и уште еднаш го повтори ставот дека оспорувањето може да создаде проблеми во односите со Грција, со НАТО и ЕУ, но и дека прашањето ќе го покрене на НАТО Самтитот во првата половина на јули.
„Секако ќе го покренам и мислам дека ќе имам многу сојузници во овој обид. Скопје да сфати дека не може да си игра со Атина за такво прашање, бидејќи ако земјата се стремеше кон двојно име, прашањето ќе беше затворено пред многу години“, рече Мицотакис.
