Премиерот и лидер на ВМРО-ДПМНЕ Христијан Мицкоски на првиот ден од настанот на партискиот истражувачки аналитички центар (ПИАЦ) даде мистериозна изјава што треба да ги загрижи Филипче и Ахмети.
Мицкоски изјави дека довербата од граѓаните е огромна што укажува на можноста тој да има резултати од нови анкети кои покажуваат раст на рејтингот на ВМРО-ДПМНЕ и негов личен раст.
ПИАЦ на ВМРО-ДПМНЕ – ,,Љубиша Георгиевски” во соработка со ИФЕС денеска и утре одржува дводневен семинар во Гевгелија на тема – ,,Модернизирање на комуникациските стратегии за локалните избори 2025″ на кој учествуваа пратениците од ВМРО-ДПМНЕ и ИК на партијата.
На семинарот со свое обраќање на присутните им се обрати и претседателот на ВМРО-ДПМНЕ, Христијан Мицкоски, кој кажа дека партијата е во контакт со членовите и граѓаните и дека секојдневно се унапредува комуникацијата со членовите и граѓаните.
Мицкоски потенцира дека партијата е во врвна кондиција и дека се очекува огромна победа на претстојните локални избори.
,,Довербата на граѓаните во ВМРО-ДПМНЕ е огромна, а особено заради енормниот број на завршени проекти”, рече Мицкоски.
Претходно свое обраќање имаа и генералниот секретар, Ѓорѓија Сајкоски и раководителот на ПИАЦ Светислав Васев, кои се обратија во делот на теренските активности и комуникацијата.
Во текот на денот предавањата беа одржани од Кристијан Седак, професор комуниколог од Хрватска.
Поврзана вест
