Лидерот на Демократското движење Изет Меџити во интервју за ТВ21 потврди дека во коалицијата Вреди е отворена расправа четирите политички партии Движење Беса, Демократско движење, Алијанса за Албанците и Алтернатива да се спојат во една партија.
ТВ 21 пишува: Вреди ќе се претвори во една партија? Кој ќе биде нејзин претседател?
„Во Вреди не се зборува за разделба, туку се оди чекор натаму. Отворивме внатрешна расправа дали треба да се споиме во една партија, дали да се поврземе, или Вреди да оастане како чадор, четирите партии да се развиваат внатре во Вреди. Не очекува многу конструктивна расправа, една позитивна енергија.“ – одговори Меџити.
Запрашан дали има амбиции да застане на чело на оваа партија, во случај да се формира, Меџити за ТВ21 изјави дека му е важно програмата да успее. „Јас не се стремам кон тоа, ова не е нешто индивидуално, не е лична агенда. Не се стремам да бидам првиот. Мене ми е доволно тимот да се движи успешно, да се движи програмата, платформата, да им покажеме на граѓаните дека е ова вистинска промена.“ – нагласи Изет Меџити.
